Лепа Брена пеела на геј свадба во Палма де Мајорка, која младенците ги чинела дури 50.000 евра. Имено, архитект од Хрватска и стилист од Србија се заколнале на вечна љубов еден на друг.
Пејачката дошла на забавата на покана на белграѓанец, кој со години гради кариера во светската модна индустрија, а со партнерот е во врска 10 години. Како што дознава српски „Курир“, за овој ангажман добила 30.000 евра, но младенците потрошиле уште 20.000. Со Брена патувал целиот нејзин бенд.
Штотуку венчаниот пар и обезбедил кралски третман – на аеродромот „Никола Тесла“ во Сурчин, од каде што полетала, ја чекал приватен авион, а на островот била шест дена, во луксузен хотел каде ноќевање надвор од сезона чини 500 евра. Младенците не штеделе пари, бидејќи стилистот од Србија е жесток обожавател на пејачката уште од детството. Според извор запознаен со деталите од оваа свадба, тој сакал Брена да пее на неговата свадба и сега му се остварило. За веселбата на парот се уште се зборува, а атмосферата да биде комплетна придонела и Лепа Брена. Таа пеела час и половина.
На забавата присуствувале членови на нивните семејства и пријатели од целиот свет. За сите било организирано дружење и разгледување на градот. Венчавката се одржала во населбата каде што Мајк Даглас и Џорџ Клуни имаат куќи и каде што се спојуваат планинската и морската клима.
Стилистот ја ангажирал Брена пред неколку месеци, а како што велат нивните пријатели, имал намера дури и да ја одложи свадбата доколку таа била зафатена тој ден.
ФОТО: Инстаграм
