Врховниот водач на Иран, ајатолахот Али Хамнеи, изјави дека „геноцидот“ врз Палестинците во Појасот Газа мора „веднаш“ да престане, објави државната телевизија еден ден пред планираната посета на американскиот претседател Џо Бајден во Израел.
Израел вети дека ќе го уништи движењето Хамас поддржано од Техеран, кое владее со Газа, откако неговите милитанти го нападнаа Израел на 7 октомври, убивајќи 1.300 луѓе, главно цивили, во најсмртоносниот ден во 75-годишната историја на земјата.
„Никој не може да се спротивстави на муслиманите и силите на отпорот ако продолжат злосторствата на ционистичкиот режим против Палестинците… бомбардирањето на Газа мора веднаш да престане. Светот е сведок на геноцидот на ционистичкиот режим врз Палестинците во Газа“, рече Хамнеи пред група студенти во Техеран и повика „Смрт за Израел“.
„Мораме да одговориме, мора да реагираме на она што се случува во Газа“, рече Хамнеи, додавајќи дека на израелските власти треба да им се суди за нивните „злосторства против Палестинците во Газа“.
МИА
