Прекина судењето за изградбата на кинеските автопати кое поранешното СЈО го водеше под кодно име Траекторија.
На денешното судење, обвинителката Лиле Стефанова го повлече обвинението против Никола Груевски, Владимир Пешевски, Миле Јанакиески и Љупчо Ѓорѓиевски кои одговараа за злоупотреба на службената положба. Во одлуката за повлекување на обвинението, Стефанова рече дека тоа го прави заради донесените измени во Кривичниот законик со кои се намалија казните па застареле и кривичните дела кои им се ставаа на товар на обвинетите.
Судењето за овој предмет почна во 2018та година и никогаш не доби првостепена пресуда.
