Цените на акциите пораснаа на европските берзи во вторник во претпладневното тргување, најмногу во технолошкиот, финансискиот, рударскиот сектор и во туризмот, додека инвеститорите го чекаат конечниот извештај за инфлацијата во еврозоната.
Индексот STOXX 600 на водечките европски акции во првиот дневен пресек на тргувањето беше во плус 0,3 отсто, по вчерашниот пад. Истовремено, лондонскиот FTSE индекс ослабе за 0,07 отсто, на 7.575 поени, додека франкфуртски DAX се лизна за 0,34 отсто, на 16.695 поени, а париски CAC 0,45 отсто, на 7.560 поени.
На пазарите владее добро расположение, бидејќи инвеститорите се надеваат на намалување на каматните стапки од Европската централна банка (ECB) следната година. Поради оваа причина, инвеститорите ќе се фокусираат на конечните податоци на Eurostat за инфлацијата во еврозоната во ноември. Инвеститорите, се разбира, се надеваат на слабеење на инфлаторните притисоци, што би отворило простор за ECB да ја олабави својата монетарна политика.
А на азиските берзи се тргува внимателно. MSCI индексот на азиско-пацифичките акции, без јапонските, беше речиси непроменет од истиот пресек во претходниот трговски ден. Претпладнево на Токиската берза индексот Nikkei порасна за 1,4 отсто, додека цените на акциите во Јужна Кореја, Шангај и Австралија пораснаа меѓу 0,1 и 0,8 отсто. Во Хонгконг, пак, паднаа за 0,7 отсто.
Повеќето азиски берзи тргуваат претпазливо, бидејќи нема вести за охрабрување на инвеститорите додека Кина, најголемата економија во регионот, не закрепне толку брзо како што се очекуваше.
Сепак, цените на акциите значително пораснаа на Токиската берза затоа што на последната сесија од годината, челниците на јапонската централна банка одлучија да одржат исклучително поволна монетарна политика, бидејќи инфлацијата не зајакнува значително, додека изгледите за економијата е нејасно.
Цените на акциите пораснаа и во Австралија, па го следат вчерашниот раст на Волстрит. Имено, на најголемата светска берза сѐ уште владее добро расположение, бидејќи по минатонеделните пораки на првиот човек на Fed, инвеститорите сметаат дека циклусот на затегнување на монетарната политика е завршен и дека каматите ќе бидат намалени следната година, со оглед на тоа што инфлаторните притисоци постепено се намалуваат.
По пораките на првиот човек на Fed, пазарот проценува дека има повеќе од 60 отсто шанси централната банка, по повеќе од година и пол затегнување на монетарната политика, веќе во март да почне да ги намалува каматните стапки. Сепак, постојат големи разлики меѓу проценките на челниците на Fed и најоптимистичките аналитичари на Волстрит, па првите проценуваат дека во наредната година е можно трикратно намалување на каматните стапки, а вторите дури шест пати.
