Струите на Атлантскиот океан опасно ослабнаа и ова е „очигледно лоша вест за климатскиот систем и човештвото“ , според истражувањето објавено во научното списание Science Advances.
Користејќи компјутерски модели и архивски податоци, истражувачите развија индикатори кои можат навреме да ги предупредат за потенцијален хаос на Амока , циркулацијата на огромниот тековен систем на Атлантскиот Океан, инаку клучна компонента за заштита од климатски промени. Научниците сведочат дека биле шокирани од резултатите.
Имено, моделите предвидуваат дека последиците ќе ги почувствуваме многу порано отколку што некој мислеше. Се движиме кон промена на океанските струи што не е видена повеќе од 10.000 години , а која би имала страшни импликации за големи делови од светот, предупредуваат научниците.
Што е Амок? Амок, на англиски Amoc е систем на силни океански струи, кој пренесува значителен дел од топлинската енергија од тропските географски широчини и јужната хемисфера до северниот дел на Атлантскиот Океан , каде што топлината се пренесува во атмосферата. Овој процес значително го забавува влијанието на глобалното затоплување предизвикано од човековата активност.
Доколку дополнително ослабне, нивото на морето во Атлантикот ќе се зголеми за еден метар, поплавувајќи многу градови во близина на океанот. Јужната хемисфера би станала потопла, додека Европа драматично ќе се олади и ќе има помалку врнежи . Уловот е дека промените би се случиле 10 пати побрзо отколку сега и тоа би го направило адаптацијата кон животот речиси невозможна .
Амок првенствено беше оштетен од забрзаното топење на глечерите на Гренланд и ледените плочи , а од 1950 година до денес е ослабен за 15 проценти и е во најслаба состојба во повеќе од еден милениум, покажаа неколку студии.
Досега немаше консензус за тоа колку е сериозна ситуацијата . Една студија минатата година, врз основа на промените во температурите на површината на морето, сугерираше дека може да се случи пресвртна точка помеѓу 2025 и 2095 година. Метеоролошката канцеларија на Обединетото Кралство соопшти дека големите и брзи промени во Амок се „неверојатно“ во 21 век.
Но, гореспоменатото, најновото истражување, спроведено во јужниот дел на Атлантскиот Океан, помеѓу Кејп Таун и Буенос Аирес, открива дека ненадеен колапс на системот е можен во секој момент во следните сто години .
– Немаме доволно податоци – дали ќе се случи следната година или во наредниот век, но кога ќе се случи, промените се неповратни. Тоа ќе биде поразително . Мора сериозно да ги сфатиме климатските промени – изјави Рене ван Вестен од Универзитетот во Утрехт во Холандија, кој го предводеше истражувањето.
Пронајдете не на следниве мрежи:
