Боксерот од Зеленортските Острови, Дејвид Де Пина, го освои првиот олимписки медал на островската држава, откако победи во четвртфиналето на боксерскиот турнир на Игрите во Париз.
Зелено’ртските Острови, нација со околу 600.000 жители на 10 острови на повеќе од 300 милји западно од континентална Африка, никогаш не освоила медал во претходните седум олимписки настапи.
Де Пина оствари две победи во категоријата до 51 килограм за мажи во Париз за да обезбеди бронзен медал, историско достигнување за спортот во неговата земја.
-Го направив тоа за мојата земја затоа што тоа го заслужуваме. Ние сме мала земја, мал остров и никогаш досега не сме го постигнале ова. Јас сум првиот што напиша историја! Ја почувствував поддршката што ми ја даде мојата земја и ја заслужуваме затоа што минавме низ тешки времиња за да стигнеме овде, прокоментира боксерот.
Де Пина го победи Патрик Чињемба од Замбија во необична пресметка меѓу боксери од африканските нации. Чињемба, африканскиот шампион и освојувач на бронзен медал на Игрите на Комонвелтот, не успеа да ја освои само третата олимписка чест во историјата на својата земја.
