Камион на ЈП „Македонија пат“, задолжен за зимско одржување на патиштата, вечерва остана заглавен на превојот Буково. Според фотографијата која стигна до нашата редакција, може да се забележи дека неколку работници се обидуваат да го поместат камионот, веројатно во обид истиот да биде пуштен во движење. Снежните врнежи кои започнаа во попладневните часови денеска го покрија голем дел од Македонија, вклучувајќи ја и столицата, Скопје.
