Пролет и токму овој период е вистинско време да се направи домашен мед од глуварче, за кој нашите баби веруваа дека ја намалува кашлицата.
Во првите пролетни денови, наберете цветови од глуварче со кои ќе направите домашен мед.Потребни ви се:
– 200 цветови од глуварче;
– 2 лимони;
– 2 литри вода;
– 2 кг. шеќер.
Подготовка:
Соберете цветови од глуварче напладне, кога сонцето е најсилно. Најдобро би било да најдете ливада која е далеку од пат и заштитена од загадување. Кога ќе ги наберете цвеќињата, измијте ги со ладна вода.
Ставете ги во тенџере и покријте ги со 2 литри дестилирана вода. Ставете го тенџерето на шпорет и варете околу 20 минути, со капак. Процедете ја течноста, додадете шеќер и ставете 2 измиени и исечени лимони. Мешајте ја смесата додека не ја достигнете конзистентноста на медот. Истурете ја врелата течност во тегли и затворете.
Ако не сакате медот да го правите со бел шеќер, можете со кафеав или користете разреден ливадски мед, но измешајте го со млака вода во која сте го вареле глуварчето.
