Американската актерка и ѕвезда од ТВ серијата „Еуфорија“, Сидни Свини (27), повторно привлекува внимание на социјалните мрежи позирајќи во провокативна фото-кампања за брендот за чевли „ХЕЈДУД“ (HEYDUDE). Темата на кампањата е кантри стил, а судејќи според фотографиите и видеата, Сидни целосно го прифатила.
На една од повпечатливите фотографии објавени на нејзиниот и официјалниот Инстаграм профил на брендот, Свини позира на плажа во тесно беж боди и темно кафеав каубојски шешир.
На друга фотографија, актерката седи на стол со порака напишана со бели букви: „Жалам што не си тука во земјата на ХЕЈДУД“. Подоцна е фотографирана на коњ, облечена во бел топ и тексас шорцеви.
Кампањата вклучува и кратко видео во кое Свини вози зелен трактор на песочна плажа, со црвена марама околу вратот. На белиот топ што го носи повторно пишува „Wish You Were Here“.
Нејзиниот пресладок германски овчар, Сали Бер, исто така го привлече вниманието на обожавателите, бидејќи ја придружуваше во текот на целото снимање, седејќи во нејзиниот скут додека тие одмараа во сенка. Свини го посвои кучето во април, кратко откако таа ја раскина свршувачката со продуцентот Џонатан Дејвин.
Оваа кампања доаѓа веднаш откако актерката проговори за снимањето голи сцени за насловната страница на списанието „W“. Таа ја играше Кеси во серијата „Еуфорија“, а сега повторно нагласи дека нема проблем со ваквите сцени.
„Не се вознемирувам… Мислам дека женското тело е многу моќна работа. Кога играм лик, сакам да му оддадам почит и да ја раскажам приказната како што треба“, рече Свини.
