Неколку часа откако американските стратешки бомбардери Б-2 нападнаа нуклеарни објекти во Иран, Иранската револуционерна гарда изутринава истрела ракети кон Израел, објави ДПА.
Сирени за воздушен напад се огласија во Израел рано утринава, објавија израелските вооружени сили во „Телеграм“.
Околу 30 ракети беа употребени во новиот воздушен напад врз Иран против Израел, објави иранското државно радио.
Елитната исламска револуционерна гарда на Иран вчера истрела балистички ракети кон Израел за последен пат, погодувајќи цели во медитеранскиот град Хаифа.
Американскиот претседател Доналд Трамп синоќа објави дека американските бомбардери нападнале три ирански нуклеарни објекти, вклучувајќи го и подземниот објект за збогатување на ураниум во Фордо.
