Во домот има многу опасни предмети и простории кои се вистински извор на бактерии, а со тоа и извор на инфекции кај луѓето. Многу е важно прво нив да ги исчистите, а сè друго е стиница, пишува „Јутарњни лист“.
Ова се највалканите предмети и места во домот:
Сунѓер за миење садови
Обичните сунѓери за миење садови се опасно место за размножување на бактерии бидејќи се во постојан контакт со вода и им треба долго време за да се исушат. Во нив се акумулираат честички од храна, кои стануваат храна за бактериите и габите, а постојаната влага создава уште поповолна средина за размножување на микробите.
За да ја подобрите ситуацијата, менувајте ги почесто сунѓерите или перете ги на температура над 60 степени (се разбира одвоено од облеката). Уште еден трик – ако имате микробранова печка дома, ставете сунѓер во неа 1 минута – ќе ги убие бактериите.
Одводот на мијалникот во кујната
Во одводот секогаш има влага и остатоци од храна, што значи има бактерии. Проблемот може да се реши со помош на специјални средства за чистење, кои треба да се користат за чистење на мијалникот најмалку еднаш неделно, по можност секој втор ден.
Даски за сечкање
Бактериите активно се размножуваат на површината на дрвените даски за сечкање, па затоа е подобро да се користат керамички производи. Замислете само дека дрвената табла може да содржи 200 пати повеќе бактерии од тоалетната школка. Идеалната опција е да користите посебни даски за секоја група на храна (месо, риба, зеленчук и овошје), а по употреба да ги третирате со алкохолен оцет.
Фрижидер и замрзнувач
Бактериите можат да се размножуваат дури и при ниски температури. Посебно внимание треба да се посвети на фиоките во фрижидерот, каде што обично се чуваат зеленчукот и овошјето, бидејќи на овие места обично се појавува мувла, а нивното отстранувањето не е доволно, бидејќи габите лесно „заспиваат“ на други производи кои биле во близина. Редовното чистење на внатрешноста на фрижидерот со сапун и вода и почитување на датумот на истекување на храната може да помогне да се отстранат бактериите. Во замрзнувачот не се акумулираат помалку микроби, па затоа е важно внатрешната површина да се чисти со сапун најмалку два пати месечно и, секако, храната што не е свежа да не се става во замрзнувачот.
Бања
Ова е просторија со висока влажност, така што чистењето на бањата треба да се третира со посебна одговорност. Микробите се акумулираат во аглите, пукнатините, спојниците меѓу плочките, во одводите и на завесите. За чистење на кадата потребно е да користите специјално средство за дезинфекција, почесто да ја проветрувате просторијата или да се грижите за уредување на добар систем за вентилација.
Четки за заби
Четките треба да се мијат по употребата бидејќи во текот на ноќта во нашата усна шуплина се акумулира значително количество бактерии, кои наутро можеме да ги пренесеме на четките. Пожелно е и редовна замена на четките за заби.
Решетки за вентилација
Многу луѓе не обрнуваат внимание на состојбата на вентилација бидејќи е високо поставена. Сепак, идеални услови за живот на бактериите се создаваат токму на решетките. Подобро е да инсталирате отстранливи структури во куќата, кои можете да ги отстраните и избришете најмалку еднаш месечно.
Рачки на вратите
На рачките се акумулираат многу штетни микроорганизми, па при чистење, тие дефинитивно треба да се избришат со крпа натопена во алкохол или соодветно средство за чистење.
Кревет
Веројатно знаете дека постојат грини кои можат да предизвикаат разни здравствени проблеми. За да избегнете штетни последици и да обезбедите здрав ноќен одмор, постелнината треба да ја перете најмалку еднаш неделно на температура од најмалку 60 степени.
Облека
Облеката треба да се пере толку често колку и постелнината бидејќи доаѓа во контакт со телото и брзо акумулира бактерии.
Апарати
Тоа не се само паметните телефони, туку и таблети, компјутерски глувчиња, тастатури и други работи кои често ги допирате. Тие треба редовно да се бришат со специјални марамчиња и производи.
Не заборавајте за општото чистење, кое треба да го правите секој месец. Внимавајте на деловите под креветот и гардеробите, нишите и полиците каде се собира голема количина прашина, а со тоа и бактерии.
