Хрватска доби четири препораки од Европската комисија за подобрување на ефикасноста на судството, поврзани со должината на постапките во трговските и граѓанските судски постапки, како и со ревизијата на Законот за Канцеларијата за борба против корупцијата и организираниот криминал.
Препораките се дел од годишниот Извештај за владеењето на правото во сите земји-членки на ЕУ, кој беше објавен вчера.
Меѓу другото, се наведува дека постапките пред судовите во Хрватска траат најдолго во ЕУ, комерцијалните спорови траат просечно 1.147 дена, а граѓанските спорови 764 дена. Во кривични предмети пред општинските судови 752 дена и пред окружните судови 779 дена.
