Русија одамна е подготвена за нова рунда преговори со Украина, а сигналите од Киев даваат надеж дека датумот за нивно одржување наскоро ќе биде одреден, изјави денес неименуван добро информиран руски извор, коментирајќи ги извештаите за предлогот на украинските власти за одржување нова рунда преговори со Русија.
„Подготвени сме долго време, а сигналите од Киев ни дозволуваат да се надеваме дека наскоро ќе се појави конкретен датум“, изјави анонимен извор за РИА Новости.
Украинскиот претседател Володимир Зеленски претходно денес на својот Телеграм канал објави дека секретарот на Советот за национална безбедност и одбрана на Украина, Рустем Умеров, ѝ предложил на Русија следната недела да се одржи уште еден состанок на преговарачките тимови на двете завојувани земји.
