За неколку месеци, бројот на неделни корисници на Четџипити (ChatGPT) порасна од 300 милиони минатиот декември на повеќе од 500 милиони во март. Четџипити прима над 2,5 милијарди прашања дневно, од кои 330 милиони се од корисници со седиште во Соединетите Американски Држави. Ова значи дека корисниците на Четџипити испраќаат над 912,5 милијарди барања секоја година.
Иако Четџипити сè уште има долг пат да помине за да ги достигне петте трилиони годишни пребарувања на Гугл (Google), неговиот брз раст продолжува да претставува голема закана за пребарувачкиот гигант.
„Опен АИ“ (OpenAI) наводно подготвува свој веб-прелистувач со вештачка интелигенција во наредните недели, кој директно ќе се натпреварува со пребарувачот на Гугл, објавува „Вести.ба“.
Тие веќе го лансираа Четџипити Агент, алатка што може да извршува задачи на вашиот компјутер наместо вас.
