Генералниот секретар на ОН Антонио Гутереш ги повика Камбоџа и Тајланд да покажат воздржаност и да го решат својот сè посериозен граничен спор преку дијалог, изјави заменик-портпаролот Фархан Хак.
Се очекува Советот за безбедност на ОН денеска во Њујорк да одржи итен состанок за кризата.
Малезија, која моментално претседава со регионалниот блок АСЕАН, во кој спаѓаат двете земји, вчера повика на итен прекин на непријателствата и ја повтори својата понуда за посредување.
Премиерот Анвар Ибрахим претходно изјави дека лично ги контактирал двете влади за да повика на примирје и да отвори простор за дипломатија.
