Најмалку четири деца загинаа, а 17 се повредени при уривање на кров на училишна зграда во западната индиска држава Раџастан, соопштија локалните медиуми.
Надлежните служби стравуваат дека десетици луѓе сè уште се заробени под урнатините.
Според снимките објавени од медиумите и на социјалните мрежи, локалните власти користеле кран за да ги отстранат урнатините.
Несреќата се случила додека учениците посетувале настава во државното училиште во Џалавар.
Индискиот премиер Нарендра Моди го нарече уривањето на училишната зграда во Раџастан „премногу тажно“. Тој изјави дека властите ја даваат сета можна помош на настраданите.
