Меѓу 35 и 40 лица беа уапсени на годишниот Летен карневал во Ротердам, објави денес холандската полиција.
За време на превентивните претреси на неколку локации во центарот на Ротердам, полицијата заплени ножеви и неколку огнени оружја, објави холандскиот јавен радиодифузен сервис НОС.
Неколку лица беа уапсени поради пијанство во јавност и одбивање да покажат лична карта на полицајците.
Годишниот летен карневал и придружната улична парада со платформи и танчери привлекуваат многу посетители во градот секоја година.
Фестивалот црпи влијанија од карневалските традиции на Карипска Холандија, Зелен ’Рт, Суринам и Шпанија.
Во 2023 година, УНЕСКО го призна фестивалот како нематеријално културно наследство.
