Американската пејачка Кети Пери се чини дека има нов обожавател – поранешниот канадски премиер Џастин Трудо. Двајцата повторно ги разгореа гласините за романса откако Трудо беше забележан на нејзиниот концерт само неколку дена откако беа фотографирани на вечера заедно.
Социјалните медиуми беа преплавени со видеа од Џастин како ги пее хитовите на Кети. Во еден момент, тој ги отпеа стиховите од песната „Firework“ и дури танцуваше заедно.
Едно видео, исто така, го прикажува поранешниот премиер како со восхит гледа кон сцената каде што настапуваше Пери, дополнително поттикнувајќи ги гласините дека меѓу нив има повеќе од само пријателство.
Џастин, исто така, ја донесе својата 16-годишна ќерка Ела-Грејс на концертот, која се забавуваше исто толку добро како и тој.
Инаку, Кети неодамна ја заврши долгогодишната врска со актерот Орландо Блум. Поранешниот пар почна да се забавува во 2016 година, се свршија во 2019 година и имаат ќерка, Дејзи. Сепак, пред неколку месеци се појавија првите гласини дека се на работ на раскинување, а минатиот месец парот потврди дека нивната врска завршила.
