Српскиот тенисер Новак Ѓоковиќ стана косопственик на францускиот фудбалски клуб Ле Ман, кој се натпреварува во втората лига.
Ѓоковиќ потврди на социјалната мрежа Инстаграм дека станал еден од сопствениците на акции во клубот од истоимениот град.
На фотографијата што потврдува дека станал косопственик на францускиот клуб од втората лига се бизнисменот Џорџ Франгулис, возачот на Формула 1 Фелипе Маса и Кевин Магнусен, поранешен возач на Формула 1.
Ле Ман пред неколку месеци доби промоција во втората лига. Клубот, основан во 1985 година, помина шест сезони во најсилната француска лига во првата деценија од 21 век, но не играл во елитата од сезоната 2009/10.
