Најмалку три лица загинаа, а 18 се повредени во тешка сообраќајна несреќа на автопат во близина на Арецо, Италија.
Несреќата се случила кога камион преминал во помошната лента и се судрил со други возила.
Тројцата загинати биле во амбулантно возило кое било вклучено во судирот заедно со уште три автомобили, камп-приколка и камион.
Меѓу тројцата загинати, двајца биле вработени во амбулантното возило, а третиот бил пациент.
Едно повредено лице е во тешка состојба, јавува агенцијата Анса.
Претседателот на регионот Тоскана, Еуџенио Џани, изрази сочувство до семејствата на жртвите.
Два хеликоптери и неколку амбулантни возила, како и полициски и противпожарни екипи, се наоѓаат на местото на настанот.
