САД имаат намера да воведат 100-процентни царини за увоз на микрочипови и полупроводници, објави претседателот Доналд Трамп во Овалната соба, цитирана од CNBC.
Американскиот претседател објави дека царините ќе бидат ослободени од компаниите што ќе се обврзат да ги преместат своите производствени капацитети во САД. „Ако кажете дека градите, но не градите, ние ќе се вратиме и ќе ги воведеме царините“, додаде американскиот претседател.
Најавата за нови секторски тарифи покажува дека Трамп ги засилува напорите за притисок врз бизнисите да ги произведуваат своите производи во Соединетите Држави .
Но, деталите од планот, како на пример колку американско производство мора да има една компанија за да се квалификува за ослободување од царина, се нејасни .
Трамп веќе сигнализираше дека царините за чипови и полупроводници, кои станаа клучни компоненти во речиси секоја индустрија, би можеле да стапат на сила веќе следната недела.
Директниот извоз на овие производи во Кина сега е де факто забранет.
„Ќе воведеме многу , многу висока царина на чипови и полупроводници“, рече Трамп од Овалната соба.
