Oasis, британскиот бенд кој се врати на сцената оваа година, го сруши рекордот за сеизмички најактивен концерт во Единбург во 2009 година, градот каде што ќе одржат нови концерти овој викенд, според анализата на Британскиот геолошки завод (BGS).
Концертот на браќата Галагер во Марејфилд го „тресе“ тлото најмногу од сите концерти на тој стадион во шкотската престолнина во последните дваесет години, објавува агенцијата dpa.
Со ова, Oasis ги надмина Red Hot Chilli Peppers во јуни 2004 година, Kings of Leone во 2011 година и Taylor Swift минатата година, објави BGS, кој ги мери сеизмичките податоци на тие концерти преку станица оддалечена четири километри.
Настапот на Oasis беше сеизмички двојно посилен од Red Hot Chilli Peppers, кои се најдоа на второто место, според dpa.
Рангирањето беше објавено пред враќањето на концертите на Oasis во Единбург овој викенд – потенцијално поставувајќи нови рекордни „земјотреси“.
Податоците измерени од BGS не се однесуваат на јачината на музиката или публиката, туку на движењата на обожавателите кои скокаа и танцуваа на музиката.
На концертот во 2009 година, најсилната сеизмичка активност се случи кога Oasis се качија на сцената и ја изведоа песната „Rock ‘N’ Roll Star“.
