Европските лидери го уништија мирот, но ќе добијат шанса да го постигнат ако ги поддржат напорите на претседателот на Соединетите Американски Држави Доналд Трамп на претстојната средба со рускиот претседател Владимир Путин, изјави унгарскиот премиер Виктор Орбан.
„Војна или мир? Трамп сака мир, па затоа ќе разговара со Путин во петок. Сега и европските лидери ќе имаат шанса. Ја пропуштија можноста за мир, но сега можат да го направат тоа исправно. Треба само едно да направат – да го поддржат претседателот Трамп. Се надевам дека нема да ја пропуштат“, напиша Орбан на Фејсбук.
Тој рече дека се надева дека нема да ја пропуштат можноста сега.
„Интересот на Унгарија е да ги укине санкциите, да ги запре убиствата и да го рестартира крвотокот во светската економија“, нагласи Орбан.
Претседателот на Соединетите Американски Држави, Доналд Трамп, во петокот објави дека ќе се сретне со рускиот претседател Владимир Путин во Алјаска на 15 август, но дека е отворен за трилатерален состанок на кој ќе биде вклучен и Зеленски.
Претставник на Белата куќа изјави дека Трамп е отворен за присуство на украинскиот претседател, но дека во моментов се прават подготовки само за билатерална средба.
