– Мртов делфин е пронајден во морето во близина на фенерот кај Сплитската порта, а со форензичкото испитување е утврдено дека постојат елементи на кривично дело убивање или мачење животни и во тек е кривична истрага, објави сплитската полиција.
На местото на настанот е извршен форензички преглед, како што е наведено во полицискиот извештај, а ќе се изврши обдукција на Одделот за ветеринарна патологија при Факултетот за ветеринарна медицина во Загреб за да се утврди точната причина за смртта.
Во тек е кривична истрага, со оглед на тоа што со форензичкото испитување е утврдено дека постојат елементи на кривично дело убивање или мачење животни, велат од полицијата.
Ова е втор случај на мртов делфин за релативно краток временски период. Неодамна, мртов делфин, за кој исто така се сомнева дека е убиен, беше пронајден недалеку од мостот Пељешац.
