Ситуацијата во врска со пожарот во Пипери кај Подгорица е критична, а сите расположиви противпожарни екипи се распоредени на терен, изјави Милан Радовиќ од Дирекцијата за заштита и спасување на Црна Гора.
Радовиќ изјави дека е особено критично во подгоричката населба Копиље и на Стијена Пиперска, и дека се стравува дека северниот ветер би можел да влијае на ширењето на пожарот, објави РТЦГ.
Тој рече дека активни пожари има и во областите Бијело Поље, Даниловград и Никшиќ.
Радовиќ истакна дека во гаснењето на пожарот учествуваат и хеликоптери од Чешка, Босна и Херцеговина и Србија, и дека благодарение на големиот хеликоптер от испратен од Србија, пожарот во Дајбабе кај Подгорица е ставен под контрола.
Швајцарски противпожарен тим пристигна да ѝ помогне на Црна Гора во петокот – 26 пожарникари со четири специјализирани возила, соопшти црногорското Министерство за внатрешни работи.
