Мотор на Боинг 757-300 на „Кондор ервејс“ откажа по полетувањето од аеродромот Крф до Дизелдорф . Избувна пожар во еден од моторите. Во авионот имало 273 патници и осум членови на екипажот., објави „Фикенњуз“  за инцидентот.

 Десниот мотор откажал на надморска височина од 450 метри , кога авионот сè уште бил во режим на полетување, а пилотите се обиделе да го исклучат. Фотографиите направени од локалното население и посетителите на островот го покажуваат авионот како лета на небото, а од десната страна пламти оган. Многу жители пријавиле оглушувачки звук, сличен на експлозија, што доаѓал од авионот.

Сите протоколи за итно слетување беа итно активирани на аеродромот на Крф. Сепак, пилотите одлучија да го продолжат летот со еден вклучен мотор, пристигнувајќи на италијанскиот аеродром Бриндизи, кој се наоѓа спроти Крф .

Според германската телевизиска станица RTL, пилотите биле принудени да го сменат курсот кон Бриндизи бидејќи откажувањето на моторот ги спречило да го продолжат летот кон Дизелдорф.

Авионот безбедно слета во Бриндизи . Нема информации за повредени меѓу патниците и членовите на екипажот, прецизира весникот „Вима“. Патниците од авионот биле сместени во хотел до следниот лет.