Протестите беа најавени на социјалните мрежи и тоа со креативни слогани – „Ѓубрето паѓа – народот владее“, „Поради криминалните активности на СНС, следува присилно затворање“, како и „Кого штитите, трет дел“.
Како што информираат српските медиуми, попладнево биле приведени, па ослободени петмина студенти од Ниш. Пред полициската станица даде изјава еден од нив, студентот Матеја Николиќ од Правниот факултет.
„Добро сум, малку сум под стрес бидејќи сум тука од 16 часот, кога полицајци ме пресретнаа кога се враќав од продавница, ме ставија во полициско возило и ме доведоа тука“,рече тој.
Тој додаде дека полицијата му одзела чоколадно млеко, песто сос и маската за нуркање. Му бил одземен и телефонот, но му бил вратен на крајот од сослушувањето.
Вечерва и во Сомбор е организиран протестен марш. Просториите на владејачката Српска напредна партија (СНС), како и претходните вечери, се обезбедувани со полициски кордон, а неколку полициски комбиња се паркирани за граѓаните да не можат да се приближат до седиштето на партијата, јави телевизијата „Нова С“.
За денеска ,на социјалните мрежи, од нивната официјална страница, беше објавено дека симболично започнува „длабоко орање“, што претставува нова фаза на притисок кон надлежните органи. Студентите посочуваат дека законот во Србија се применува селективно, дека се вршат апсења без правна основа и дека против многумина се покренуваат лажни кривични пријави
Студентите од Земјоделниот факултет во Нови Сад, кои веќе подолго време се во блокада поради, како што велат, неправилности и нееднаков третман од страна на институциите, најавија нов чекор во својата борба. Тие порачаа дека денес во 9 часот наутро ќе се соберат пред Обвинителството, каде ќе испратат јасна порака: „Ова ви е жолт картон, не ве се плашиме!“
На социјалните мрежи, од нивната официјална страница, беше објавено дека симболично започнува „длабоко орање“, што претставува нова фаза на притисок кон надлежните органи. Студентите посочуваат дека законот во Србија се применува селективно, дека се вршат апсења без правна основа и дека против многумина се отвораат лажни кривични пријави.
Од иницијативата бараат да се постапува по жалбите во рамки на роковите на законот, а ако тоа не се случи, тие најавуваат дека ќе бидат редовно пред Обвинителството.
