„Украинскиот претседател Зеленски може речиси веднаш да ја заврши војната со Русија ако сака или да ја продолжи борбата. Сетете се како започна сè.“
„Нема враќање на Крим, отстапен од Обама (пред 12 години, без ниту еден испукан куршум!) – и НЕМА ВЛЕЗ НА УКРАИНА ВО НАТО. Некои работи никогаш не се менуваат!!!“
Ова го напиша американскиот претседател Доналд Трамп на својата социјална мрежа Truth Social во пресрет на посетата на украинскиот лидер на Белата куќа.
Зеленски ќе биде придружуван од лидерите на Велика Британија, Италија, Германија, Франција и Финска, како и генералниот секретар на НАТО и претседателот на Европската комисија , за време на неговата посета на Вашингтон во понеделник .
„Утре ќе биде голем ден во Белата куќа. Никогаш порано толку многу европски лидери не биле тука во исто време. Голема чест е да им посакаме добредојде“, напиша Трамп во друга објава.
На состанокот ќе присуствуваат Фон дер Лајен, Руте, Макрон, Мерц, Мелони и Стуб.
„Двата услови што ги наведе – Украина да го отстапи Крим, кој Русија нелегално го анектираше во 2014 година, и да се согласи никогаш да не се приклучи на НАТО – се меѓу условите што ги постави Владимир Путин за завршување на војната “, пишува Си-Ен-Ен.
