„Фајненшл тајмс“ ја опиша денешната средба со Владимир Зеленски во Овалната соба како можеби најзначајната во неговото претседателствување.

„Ова е шанса да се ресетираат односите со Доналд Трамп, да се обезбеди праведен крај на војната со Русија и да се обезбедат гаранции од САД за идната безбедност на Украина“, напиша весникот.

Изданието забележува дека покрај специфичните детали од дискусијата, не помалку важен ќе биде и тонот на денешната средба меѓу лидерите на Украина и САД, чија историја на односи е „полна со бури“ .

Висок украински функционер близок до претседателот изјави за „Фајненшл тајмс“ дека целта на Зеленски во разговорите во Овалната соба ќе биде да изгради „продуктивен мировен процес без притисок врз Украина да преземе невозможни чекори , како што е повлекување на трупите“ од регионите Донецк и Луганск.

За да се постигне ова, според официјалниот претставник, украинскиот претседател е подготвен да направи „прифатлив компромис“ на сегашната линија на фронтот што Украинците би можеле да го прифатат.