Францускиот премиер Франсоа Бајру објави дека ќе побара гласање за доверба на Владата во парламентот на 8 септември.
Повикувајќи се на член 49 од францускиот Устав, премиерот Бајру одлучи да го стави својот опстанок на чело на француската влада на коцка, јавува телевизијата BFM.
Бајру објави дека ќе свика вонредна седница на 8 септември за „централното прашање за управувањето со јавните финансии“.
„На тој ден, ќе ја ставам на коцка одговорноста на Владата врз основа на декларација за општа политика, во согласност со член 49, став 1 од нашиот Устав“, рече премиерот за време на прес-конференцијата во понеделник.
Тој додаде дека се надева дека ќе ја фокусира дебатата не на своите политики, туку на состојбата на јавните финансии, бидејќи мерките за штедење што ги објави на 15 јуни наидуваат на отпор кај францускиот народ.
Крајнодесничарската партија Национален собир веќе објави дека нема да му даде доверба на Бајру, а претседателот на партијата, Џордан Бардела, предвидува „крај на владата на Франсоа Бајру“. Партиите „Непобедлива Франција“, „Социјалистите“, „Комунистите“ и „Екологистите“ изразија слични ставови и својата намера да не ја поддржат владата на сегашниот француски премиер, потсетува БФМ.
