Накит и скапоцени камења во вредност од 9,4 милиони евра беа запленети во акција против нелегалната трговија во Турција , објави БТА, повикувајќи се на турското издание ТРТ Хабер.

Количината на запленети скапоцени камења е речиси 155 килограми. Турската полиција заплени рубини, дијаманти, смарагди итн.

Специјалната операција беше спроведена на 41 одделна адреса. Приведени се 35 лица . Тие беа обвинети за нелегален увоз и трговија со скапоцени камења и учество во организирана криминална група.

Потрагата по уште шест лица продолжува.