Аргентинскиот претседател Хавиер Мили бил нападнат со камења за време на изборната кампања во близина на Буенос Аирес, додека демонстрантите протестираа против корупциски скандал во кој, според медиумските извештаи, е вмешана неговата сестра, Карина Мили.
Инцидентот се случи вчера во градот Ломас де Замора, 20 километри јужно од Буенос Аирес, кога демонстрантите почнаа да фрлаат камења, растенија и шишиња кон возилото во кое патуваше претседателот, пишува Гардијан.
Мили, кој е кандидат на изборите во октомври, не е повреден и брзо е однесен од местото на настанот од страна на обезбедувањето.
