Кога земаме витамини и суплементи, обично се сеќаваме да го правиме тоа наутро и навечер. Сепак, некои од нив не се препорачуваат да се земаат пред спиење, бидејќи можат да го отежнат заспивањето и да го влошат квалитетот на спиењето. Еве три вида на витамини и додатоци кои е подобро да не се земаат во вечерните часови.
Витамин Б12
Витамините Б, особено Б12, се клучни за производството на енергија и невролошката функција. Земајќи го во предвид ова, посоодветно е да ги земате на почетокот на денот.
Исто така е корисно да се знае дека несоницата може да биде поврзана со ниско и зголемено ниво на витамин Б12. Препорачаната количина за просечна возрасна е околу 2,4 микрограми дневно, додека малку повисоки дози се препорачуваат за бремени жени и доилки – 2,6 и 2,8 микрограми, соодветно.
Калциум
Внесувањето на калциум пред спиење има потенцијал да го наруши нашиот сон, бидејќи може негативно да влијае на апсорпцијата на магнезиум, минерал кој помага во спиењето. Но недостатокот на калциум во нашето тело исто така може да доведе до проблеми со спиењето.
Добро е да се држите до препорачаната дневна доза – или околу 1000 милиграми за возрасни и 1200 милиграми за возрасни над 51 година. Калциумот може да се добие и преку консумирање на млеко и други млечни производи – тие исто така го поддржуваат спиењето.
Мултивитамини
Причината зошто мултивитамините се исто така меѓу додатоците кои не се препорачуваат да се земаат во вечерните часови е поврзана со нивната содржина на гореспоменатите калциум и витамини Б.
Покрај тоа, повеќето мултивитамини содржат витамини растворливи во масти, кои најдобро се апсорбираат од телото со диететските масти. Затоа е најдобро да ги земате со оброци во текот на денот, а не пред спиење.
