Српскиот претседател Александар Вучиќсиноќа изјави дека на 20 септември ќе биде организирана величествена воена парада и нагласи дека граѓаните ќе можат да видат колку е посилна Србија денес.
„Ќе ви кажам едно, а би сакал да најавам и еден величествен настан на 20 септември, таа парада организирана од армијата, која ќе биде чудесна и прекрасна, за да можете вие, граѓаните на Србија, да видите сè што ви припаѓа. Да видите колку сте посилни денес. Да видите колку сте посилни денес од кога било досега“, рече Вучиќ, гостин на Пинк.
Вучиќ нагласи дека Кина е најбрзо растечката земја во сите сегменти, во сите области.
„Пред пет години, кога бев во колегиумот на Генералштабот, понекогаш го држиме јавно, понекогаш без јавност, а најчесто без, реков дека треба да размислиме за односот цена-квалитет на кинеските производи. Особено кога размислувавме да го купиме ФК-3 и првите кинески беспилотни летала, сите некако беа против тоа. И тие велеа, не, дајте ни или руски или западни. Денес, 80 проценти од офицерите, војниците од 90-тите, оние што соборуваа западни ловци над нашата земја, ви велат, дајте ни ја најдобрата кинеска стока. Верувале или не, тие толку многу напреднаа. Кина оди кон небото. И ние мора да ја следиме. Исто како што оди Азија, оди Јужна Кореја, оди Јапонија“, рече Вучиќ.
