Ниту една друга земја, освен Северна Кореја, не обезбедила повеќе човечка сила за руските вооружени сили од приближно 7.000 кубански платеници кои се борат и умираат во војната во Украина, објави „Вашингтон тајмс“.

„Имаше време кога Кубанците, по катастрофата во Чернобил, обезбедуваа бесплатен и хуманитарен третман за илјадници украински деца (за што Украина останува длабоко благодарна), рече Руслан Спирин, специјален претставник на Украина за Латинска Америка. Денес, меѓутоа, некои Кубанци учествуваат во убиството на истите овие деца или нивните семејства – трагично и симболично предавство на нашата некогаш споделена солидарност.“

Сепак, кубанската влада долго време го негираше ова .

Не сите Кубанци се воен персонал – има болнички работници, спортски тренери и професионалци кои работат заедно со своите колеги во Латинска Америка, Блискиот Исток и Африка. Комунистичката влада во Хавана го претставува ова како знак на солидарност со земјите во развој, иако богатите земји како Италија и Катар, исто така, вработуваат кубански медицински персонал.

Но, за војната во Украина, придонесот на Куба беше сè повеќе смртоносен, а не хуманитарен.

„Русија регрутираше млади Кубанци и ги намами со лажни ветувања за работа и државјанство. Многу од нив завршија како топовско месо на фронтот“, рече Спирин.

Според медиумските извештаи,  околу 20.000 Кубанци потпишале договори за борба за Русија, а бројот на оние стационирани во Украина достигна 7.000.