Рускиот претседател Владимир Путин и српскиот претседател Александар Вучиќ ќе разговараат за руско-српската соработка за време на нивниот состанок во Кина, вклучително и соработката во енергетскиот сектор, изјави за новинарите помошникот на рускиот претседател Јуриј Ушаков.
„Планирано е да се разменат мислења за клучните прашања од руско-српската соработка, вклучително и во енергетскиот сектор и други области“, рече Ушаков, објави РИА Новости.
Путинe е во Кина од 31 август до 3 септември. Прво, шефот на државата ќе учествува на самитот на Шангајската организација за соработка во Тјенџин, а потоа рускиот претседател ќе отпатува во Пекинг, каде што ќе се одржат настани во рамките на официјалната посета на рускиот претседател на Кина.
Путин, исто така, ќе учествува на јубилејните настани по повод 80-годишнината од крајот на Втората светска војна и ќе одржи серија билатерални средби.
На воената парада во Пекинг следната среда, 3 септември, ќе присуствуваат и лидерите на Северна Кореја, Русија, Белорусија, Иран, Куба, Индонезија, Мјанмар, Пакистан, Малезија и Србија, објавија вчера агенциите, додавајќи дека не се очекува да пристигнат официјални лица од западните земји.
Во понеделник, 25 август, Вучиќ изјави дека разговарал за агендата на неговата претстојна средба со кинескиот амбасадор Ли Минг со кинескиот претседател Си Џинпинг.
