СÈ Е ПОДГОТВЕНО за најголемата телевизиска вечер во годината. Престижните Еми награди ќе се одржат за само една недела, а возбудата во светот на сериите и филмовите го достигнува својот врв. Ние ви ги носиме сите клучни информации за претстојната церемонија. 77-та церемонија за доделување на Еми наградите ќе се одржи во недела, 14 септември, во познатиот театар Пикок во Лос Анџелес. Гледачите ќе можат да го гледаат преносот во живо на CBS и Paramount+ стриминг сервисот.
Домаќин на вечерта
Честа да биде домаќин на овогодишната церемонија отиде кај комичарот Нејт Баргаце, кој ја воодушеви публиката минатата година како домаќин на Saturday Night Live. Баргаце, чија специјална песна “Твојот пријател, Нејт Баргаце” му донесе две номинации за Еми, ја презема палката од минатогодишните водители, Ден и Јуџин Леви.
“Голема чест е да бидам повикан да биде домаќин на такво иконско шоу за награди и јас сум исклучително возбуден што работам со CBS за да создадам ноќ во која семејствата низ целиот свет ќе уживаат”, рече Баргаце минатата пролет.
Кои се главните фаворити?
Во категоријата на драмски серии доминира Северанс со импресивни 27 номинации, вклучувајќи ги и оние во техничките категории (Креативни уметности). По него следат Пингвинот со 24 номинации и популарниот Белиот лотус со 23.
Минатогодишната церемонија за доделување на наградите
На 76-тото доделување на Еми наградите доминираше историската драма Шогун и доби вкупно 18 награди. Ѕвездата на серијата, Ана Саваи, влезе во историјата како првата жена со азиско потекло која ја освои наградата за најдобра главна глумица.
Комично-драмската серија Мечката освои 11 Еми, а изненадувањето беше кога наградата за најдобра комична серија ја освои серијата Хакс, а не Мечката. Анонимна жена на Редит објасни како изгледа церемонијата за доделување на наградите од публиката.
