Тајлер Робинсон, осомничениот за убиството на Чарли Кирк, очигледно го признал убиството на десничарскиот активист во групен чет на онлајн платформата Discord, објави Вашингтон пост.
Во серија пораки испратени до мала група луѓе, Робинсон рекол дека има „лоши вести“ и додал: „Тоа бев јас на Универзитетот вчера“, објавува американскиот весник, повикувајќи се на извори и снимки од екранот за кои тврди дека ги видел.
Тој ѝ рекол на групата дека наскоро ќе се предаде и им се заблагодарил за „сите добри времиња и смеа“, се вели во соопштението.
Исто така, се забележува дека ниту еден од членовите на групата не одговорил на неговите пораки.
Робинсон ги испратил пораките околу два часа пред да биде приведен, објавува Пост.
Американскиот патриот Чарли Кирк беше убиен минатата недела додека се обраќаше на јавен митинг на Универзитетот Јута Вали организиран од неговата организација „Turning Point USA“ во Орем, Јута.
