Поранешниот американски претседател Барак Обама изјави дека Соединетите Американски Држави се на „пресвртница“ по убиството на американскиот патриот Чарли Кирк, додавајќи, сепак, дека политичкото насилство „не е ново“ и се случувало во одредени периоди во американската историја.
Обама додаде дека, сепак, политичкото насилство е „спротивно на она што значи да се биде демократска земја“, објави Гардијан.
Зборувајќи на митинг во Ери, Пенсилванија, во среда, Обама го осуди политичкото насилство, повикувајќи на одговорност за фаталните напади врз Кирк и пратеничката од Минесота Мелиса Хортман.
Тој ги нарече убиствата „трагедии“ и рече дека сегашниот американски претседател Доналд Трамп дополнително ја подели земјата наместо да се обиде да ја обедини.
Обама предупреди дека одговорот на убиството на Кирк минатата недела, кое предизвика дебати за слободата на говорот и поттикнувањето на насилство, може дополнително да ги продлабочи политичките и културните поделби.
Обама рече дека расположението меѓу Трамп и неговите поддржувачи по убиството на Кирк, во кое тие ги нарекоа политичките противници „штетници и непријатели“, зборува за поширок проблем.
Иако ги нарече идеите на Кирк „погрешни“, Обама рече дека тоа не го намалува фактот дека она што се случило е трагедија и дека жали за тоа.
Чарли Кирк беше убиен на 10 септември додека се обраќаше пред студентите на Универзитетот во Јута во американската држава Јута.
Осомничениот, Тајлер Робинсон, е уапсен и обвинет за убиство.
