септември 19, 2025
По пожарот во Трубарево имало високи концентрации на честитки и тешки метали во воздухот, но тековните мерења покажуваат дека состојбата во воздухот е стабилизирана и во рамки на дозволените граници, покажуваат мерењата на Министерството за животна средина и просторно планирање.
Мерењата покажуваат дека по пожарот имало значително надминување на дозволените граници на PM₁₀, олово, кадмиум и арсен.
Резултати од пожарот (13–14 септември 2025):
– PM₁₀ честички: 92,65 µg/m³ (над 50 µg/m³ – дозволена граница)
– Олово (Pb): 0,75 µg/m³ (над 0,5 µg/m³)
– Кадмиум (Cd): 59,1 ng/m³ (над 5 ng/m³)
– Арсен (As): 8,9 ng/m³ (над 6 ng/m³)
– Никел (Ni): 6,4 ng/m³ (во дозволени граници, под 20 ng/m³)
Најновите мерења направени 18–19 септември покажуваат дека нема надминување на граничните вредности, односно концентрациите на PM₁₀ се во рамки на дозволените граници.
Тековни резултати (18–19 септември 2025):
- Просечна концентрација PM₁₀: 9,8 µg/m³
- Максимална вредност: 43,3 µg/m³
- Моментална вредност: 8,2 µg/m³
