„Масив Атак“ станаа најновиот бенд – и првиот од голема издавачка куќа – што го отстрани својот каталог од „Спотифај“ во знак на протест против инвестицијата од 600 милиони евра на основачот Даниел Ек во компанијата за воена вештачка интелигенција „Хелсинг“.
Бендот ја објави својата одлука истовремено со приклучувањето кон иницијативата „Без музика за геноцид“, во која над 400 уметници и издавачки куќи ја блокираат својата музика од платформите за стриминг во Израел.
Групата отсекогаш била општествено и политички активна.
„Економскиот товар што долго време им се ставаше на уметниците сега е усложнет од морален и етички товар, каде што тешко заработените пари на фановите и креативните напори на музичарите завршуваат финансирајќи смртоносни, дистописки технологии“, се вели во соопштението на Massive Attack.
Spotify одговори дека „Spotify и Helsing се две сосема одвоени компании“ и додаде дека Helsing „не е вклучен во Газа“ и дека неговите напори се „фокусирани на заштита на Европа во Украина“.
Освен Massive Attack, и други бендови како King Gizzard and the Lizard Wizard, Godspeed You! Black Emperor, Hotline TNT, Deerhoof и Wu Lyf ја отстранија својата музика од Spotify поради инвестицијата на Ек во Хелсинг, пишува и „Гардијан“.
