Фондацијата „Гејтс“ ќе донира 912 милиони долари на Глобалниот фонд за борба против СИДА, туберкулоза и маларија, објави Бил Гејтс, повикувајќи ги владите да ги спречат глобалните намалувања на средствата за здравство. На настанот на „Ројтерс њузмејкер“ во Њујорк, Гејтс рече дека светот е на раскрсница и предупреди дека милиони деца би можеле да умрат ако финансирањето биде премногу намалено.
Донацијата на Фондацијата Гејтс е иста како онаа во 2022 година, кога Глобалниот фонд, независна организација со седиште во Женева, последен пат собра средства во рамките на тригодишен буџетски циклус. Оваа година доаѓа по големите намалувања на владината помош, првенствено од Соединетите Американски Држави.Според Институтот за здравствени метрики и евалуација (IHME), глобалната помош за развој ќе се намали за 21% помеѓу 2024 и 2025 година, на најниско ниво во последните 15 години. Гејтс предупреди дека ова може да го загрози напредокот што ја преполови смртноста кај децата од 2000 година и спасува околу пет милиони животи годишно.
Фондацијата Гејтс, основана во 2000 година, е еден од најголемите финансиери на глобалното здравство во светот, со фокус на спречување на смртност кај мајки и деца, борба против заразни болести и намалување на сиромаштијата. Гејтс претходно оваа година објави дека ќе донира речиси целото свое богатство, проценето на 200 милијарди долари, до 2045 година, побрзо отколку што планирал, поради итни потреби низ целиот свет.
На годишниот настан „Голмепери“, фондацијата му ја додели наградата „Глобален голман“ на шпанскиот премиер Педро Санчез, истакнувајќи дека Шпанија го зголемила својот придонес во Глобалниот фонд за 12 проценти и во Глобалната алијанса за вакцини (GAVI) за 30 проценти.
