Досега можеме да кажеме дека Џејден Смит ги следи стапките на неговиот татко. Исто како и Вил Смит, тој е вклучен и во филмот и во музиката.
Но Џејден има и друга голема страст – модата. Го гледавме во нестандардна облека на црвениот тепих, но се покажа дека тој одлучил да ја претвори оваа страст во работа.
Од People дознаваме дека 27-годишниот рапер е новиот креативен директор на машката мода на француската луксузна модна куќа Кристијан Лубутен.
Смит ќе биде одговорен за создавање на четири колекции годишно за машки чевли, кожни производи и модни додатоци. Покрај тоа, синот на Вил Смит и Џада Пинкет Смит, ќе помогне во изградбата на визуелен и емоционален идентитет на Кристијан Лубутен преку маркетинг кампањи.
Новата работа на Џејден Смит не е толку изненадувачка, бидејќи во изминатите шест години тој соработувал со модната куќа и е пријател со Кристијан Лубутен.
“Кога прв пат го запознав Џејден, го видов како природно прилагоден за модната куќа. Неговиот свет е богат и повеќедимензионален, неговиот стил и културен сензибилитет се инспиративни, а неговата љубопитност и отвореност се извонредни”, рече Лубутен во соопштението за печатот за објавување на назначувањето на Џејден.
