Израелските политички лидери ѝ наредија на војската да ги намали офанзивните активности во Газа, откако соопштија дека се подготвува за „итна имплементација“ на првата фаза од планот на американскиот претседател Доналд Трамп за Газа, објавија израелските медиуми.

Медиумските извештаи велат дека политичкото раководство на Израел го наредило ова по одговорот на Хамас на планот.

Хамас објави дека е подготвен да ги ослободи сите израелски заложници, што е предвидено во планот на американскиот претседател Доналд Трамп за палестинската енклава, но рече дека ќе бара преговори за деталите за ослободувањето, како и за други точки како што се предавање на контролата врз Појасот Газа и разоружување на милитантната група.

Краен рок во недела навечер

Трамп му даде рок на Хамас до недела навечер да постигне договор за неговиот план за иднината на Газа, нарекувајќи го тоа последна шанса за палестинската милитантна група.