Во трката за градоначалник има 206 кандидати, меѓу кои 20 жени, а вкупно 5.420 кандидати се регистрирани за советници.

Изборната кампања трае до недела во 7 часот наутро, кога започнува гласањето и изборниот молк, кој ќе трае до затворањето на гласачките места во 19 часот.

За Србите на Косово, утрешните избори се сметаат за тест за нивното враќање во институционалната рамка на Косово, но во рамките на српската заедница постојат загрижености во врска со заштитата на правата и слободите, проблеми со регистрацијата и бришењето на гласачите и приговори дека одредени изборни процеси не се целосно транспарентни.

На Српската листа (СЛ), која е поддржана од официјален Белград како сестринска партија на владејачката Српска напредна партија, ѝ беше одбиена регистрацијата за локалните избори во Косово во август, што ја натера да поднесе жалба до Комисијата за жалби и приговори на изборите (ЕКАП) на одлуката на Централната изборна комисија (ЦИК) да не ја сертифицира СЛ.

Одлуката на ЦИК беше критикувана од земјите од Квинтот и Европската Унија, а кон крајот на август, Косовскиот ЕКАП ја прифати жалбата на СЛ и ја обврза ЦИК да ги регистрира кандидатите на Српската листа за советници во 19 општини и кандидатите за градоначалници во 11 општини.

Српската листа одлучи да учествува на локалните избори оваа година, откако ги бојкотираше претходните, со што им овозможи на градоначалниците Албанци, со излезност од нешто над 3,4 проценти од гласачите во северно Косово, да ја преземат и да ја држат власта во четири општини со српско мнозинство од мај 2023 година.

Косовските изборни власти одбија да акредитираат 28 локални и меѓународни медиуми за покривање на утрешните локални избори, меѓу кои претежно беа оние што известуваат на српски јазик.

Причината е што повеќето од нив се финансирани од Србија.

Под притисок на некои здруженија и синдикати, како и претставници на меѓународната заедница, Централната изборна комисија ја поништи таа одлука, а некои членови забележаа дека медиумите на кои претходно им беше одбиена акредитацијата се „познати по пропаганда и клевета“ против Приштина.

Вчера во Србија, во неколку градови се одржуваа собири за поддршка на Србите на Косово, пред деншните избори. Едниот го организираат студентите во блокадата и граѓанските собранија кои ги поддржуваат, а другиот го организираат поддржувачи на владата, кој го организира наводна невладина организација – Центарот за социјална стабилност, кој отворено работи под покровителство на Српската напредна партија.