Во германскиот град Гисен попладнево се случи пукотница, во која, според првичните информации, повредени се три лица. Инцидентот се случил околу 15:10 часот во спортска обложувалница на плоштадот Марктплац, а напаѓачот е во бегство, објавува „Билд“ .

Локалната полиција потврди дека нема опасност за граѓаните, и покрај фактот дека сторителот е сè уште на слобода.

Голема полициска акција

Полицијата веднаш ги блокираше сите пристапи кон плоштадот по приемот на пријавата, а на местото на настанот има силно полициско присуство. Позадината на нападот сè уште не е позната. Иако сериозноста на повредите сè уште се утврдува, портпаролот на полицијата потврди дека нема жртви. „Нема смртни случаи. Во овој момент не можам да кажам ништо за степенот на повредите“, рече портпаролот.

Според неофицијални информации, во нападот е употребено огнено оружје, најверојатно пиштол или револвер. Потрагата по напаѓачот е во тек. „На терен има бројни полициски сили“, додаде портпаролот на полицијата.

„Билд“ објави дека напаѓачот ѝ е познат на полицијата.