Припадници на Управата на црногорската полиција, во соработка со Вишото државно обвинителство во Подгорица, идентификуваа уште едно лице кое е поврзано со тешкото убиство што се случи на 24 септември во градот Угњи на патот Будва-Цетиње, кога беа убиени Стефан Белада и Андрија Ивановиќ.
Како што објави Управата на полицијата, станува збор за соучесник кој е во бегство и интензивно се бара.
Досега, информациите укажуваат дека ова тешко кривично дело е извршено на организиран начин, пренесува РТЦГ.
„Ве потсетуваме дека во рамките на оваа истрага претходно беше идентификувано едно лице кое е обвинето за кривично дело тешко убиство со помагање. На ова лице му е наредено притвор и против него е покрената истрага“, соопшти Управата на полицијата.
Поради интересите на тековната истрага, властите засега не објавуваат дополнителни информации за идентитетот на осомничените.
Поранешниот министер за внатрешни работи Филип Аџиќ претходно во емисијата „Наглас“ на ТВЦГ објави дека едно од лицата чија ДНК е пронајдена за време на истрагата за случајот со копање тунел во Високиот суд е истото лице обвинето за помагање и поттикнување на двојното убиство во Цетиње.
