Имено, индексот на Институтот Ифо, кој го мери расположението во индустријата, падна за 5,7 поени, на минус 21,5. Тоа е значаен колапс по неколку последователни месеци резервиран оптимизам.
„Почнуваме да ги гледаме првите знаци на разочарување од новата германска влада“, изјави експертот за автомобилска индустрија на Ифо, Анита Волфл.
„Компаниите се надеваа дека структурните реформи на владата ќе ја направат Германија попривлечна бизнис локација. Досега, таа надеж не се оствари“, рече таа додека го презентираше извештајот во четврток.
Автомобилскиот сектор, еден од критично важните сектори за германската економија, долго време се бори со пад на продажбата, конкуренцијата од Кина, транзицијата кон електрична мобилност и европските регулативи за емисиите на CO2.
Мерц свика самит во својот кабинет за да разговара за мерките за излез од кризата со производителите на автомобили, добавувачите, синдикатите и федералните и покраинските политичари.
Извештајот на Ифо излезе токму на време за да биде на масата на самитот.
Во исто време, очекувањата за извоз на автомобилскиот сектор скокнаа на 16,7 поени, односно на највисоко ниво од април 2023 година.
Велфлова истакна дека ова покажува дека општото лошо расположение не е резултат на проблеми со извозот, туку „продолжена економска слабост во самата Германија“.
