На 1 август 1981 година, фразата “Дами и господа, рокенрол” го означила почетокот на нова музичка ера. Ова беше моментот кога MTV го емитуваше своето прво видео “Video Killed the Radio Star” од The Buggles и засекогаш го смени начинот на кој луѓето ја гледаат музиката.
Сепак, 40+ години подоцна, оригиналниот MTV е практично мртов. Каналот кој некогаш ја диктираше модата, музиката и поп културата стана сенка од себе. Нејзината програма е доминирана од реални формати, повторувања и содржини речиси неповрзани со музиката.
И по повеќе од неколку децении музичка револуција, можеби сосема логично, MTV го објави крајот на своите музички канали во Европа. До крајот на 2025 година, каналите како што се MTV Music, MTV 80s, MTV 90s, Club MTV и MTV Live ќе престанат да се емитуваат. Одлуката на Парамаунт Глобал ги одразува длабоките промени во медиумската индустрија и начинот на кој младите луѓе конзумираат музика денес.
MTV започна во 1981 година во САД како канал посветен целосно на музички спотови, а во 1987 година брендот се прошири во Европа и брзо стана глобален феномен. Во годините подоцна, MTV каналот обликува цели генерации, станувајќи културен феномен.
Постојат неколку причини за крајот на музичките канали. Главната е промената во навиките на потрошувачите – младите слушатели и гледачи се повеќе се свртуваат кон YouTube, Spotify и други стриминг платформи, каде што можат да ја изберат својата музика во секое време.
Финансиските и стратешките одлуки на Парамаунт Глобал исто така играат улога – компанијата ги оптимизира своите трошоци и се фокусира на главниот канал, кој е веќе ориентиран кон реални програми и забавни содржини.
MTV никогаш не бил само ТВ канал, туку и сцена за нови таленти, платформа за културни револуции и место каде музиката се среќава со модата, киното и општествените трендови. Од “Video Killed the Radio Star” во 1981 година до култните музички топ листи и реалните шоуа, MTV отсекогаш остана одраз на своето време.
И додека музичките канали исчезнуваат од воздухот, нивното наследство останува на начинот на кој музиката и телевизијата ја испреплетуваат и обликуваат поп културата каква што ја знаеме денес.
