Претседателот на САД, Доналд Трамп, изрази увереност дека турскиот претседател Реџеп Таип Ердоган може да игра клучна улога во завршувањето на конфликтот меѓу Русија и Украина.Ова го објави Би-Би-Си.
„Ердоган може. Тој е почитуван во Русија, не можам да кажам ништо за Украина, но Путин го почитува, а тој, претседателот на Турција, е мој пријател“, рече Трамп, враќајќи се од самитот во Газа во Шарм ел Шеик.
Вака одговори на прашањето дали турскиот лидер може да помогне во решавањето на конфликтот во Украина.
Трамп потврди дека во петок, 17 октомври, има намера да се сретне со украинскиот претседател Володимир Зеленски.
Тој одговори потврдно кога беше прашан дали ќе го прими Зеленски во Белата куќа овој петок, додека разговараше со печатот на авионот „Ер Форс Уан“.
Украинскиот претседател Володимир Зеленски претходно изјави дека за време на разговорите ќе бидат разгледани можностите на Украина во областа на воздушната одбрана и нападите со долг дострел.
Целта е да се стави крај на војната на Русија во Украина
Порталот „Аксиос“ напиша, повикувајќи се на извори, дека евентуалното пренесување на крстосувачки ракети „Томахавк“ во Киев ќе биде една од темите на преговорите меѓу Трамп и Зеленски.
